የዲሲ የሰባዊ መብቶች ቢሮ/OHR/ የጃንዋሪ ወር ዜና መጽሄት- የዳይሬክተሩ መልእክት

ሁላችሁም ሰላማዊ እና ደስ የሚል የበዓል ወቅት እንዳሳለፋችሁ ተስፋ አደርጋለሁ፤ አዲሱን ዓመት ስንጀምር በማህበረሰባችን ውስጥ ያሉና ችግሮች ላጋጠማቸው ወይም በተመሳሳይ መንገድ ማክበር ለማይችሉ ሰዎችም ምስጋና ማቅረብ እፈልጋለሁ። በበዓላትና በአዲስ ጅማሬዎች መካከል እያንዳንዳችን ለጎረቤቶቻችን በተለይም ችግር ለሚያጋጥማቸው ሰዎች እንክብካቤ ማድረግችንን እንድንቀጥል አበረታታለሁ። የደግነትና የአንድነት ተግባራት - ትልቅም ይሁን ትንሽ - ዲስትሪክታችንን የሚገልጹትን ጥንካሬና ርኅራኄ ያስታውሱና

2025ን ወደ ኋላ መለስ ብለን ስንመለከት ታይቶ የማይታወቅ ተግዳሮት እና አስደናቂ ስኬቶች የተመዘገቡበት ዓመት ነበር። አንድ ላይ ሆነን እርግጠኛ ያልሆኑ ሁኔታዎች አጋጥመውናል፣ ማህበረሰባችንን ለመደገፍ ጽናትን አሳይተናል፣ እንዲሁም ቢሮአችን የሲቪል መብቶችን ለማስጠበቅ የሚያከናውነውን ወሳኝ ስራ እንዲቀጥል አረጋግጠናል። እነዚህ ስኬቶች በጨለማ ጊዜም ቢሆን ለተልዕኮአችን ቁርጠኝነትን ስንቀጥል ምን ማሳካት እንደምንችል የሚያሳይ ማስረጃ ናቸው።

ወደ 2026ዓ/ም ስንገባ አዳዲስ ፈተናዎች ሊኖሩ እንደሚችሉ እንገምታለን ። ሆኖም ግን ልክ እንደ ባለፈው ዓመት እንዳደረግነው ሁሉ እንደ ማህበረሰብ እነሱን ለማግኘት እንደምንነሳ ተስፋ አደርጋለሁ፣ ለዚህም እርግጠኛ ነኝ። የሰብአዊ መብቶችን ለመጠበቅ፣ ለአደጋ ተጋላጭ ለሆኑ የማሀበረሰብ ክፍሎች ለመሟገት እና በዲስትሪክቱ ውስጥ ፍትሃዊ አሰራሮችን ለማስፋፋት ያለን ቁርጠኝነት ከመቼውም ጊዜ በበለጠ ጠንካራ ሆኖ ቀጥሏል። የምንወስደው እያንዳንዱ እርምጃ የሚመራው ሁሉም ሰው በክብር፣ በአክብሮት እና በፍትሃዊነት ሊስተናገድ ይገባዋል በሚለው መርህ መሰረት ነው።

ከዚህ የማህበረሰብ አገልግሎት እና የሲቪክ ተሳትፎ ጋር በተያያዘ ከከንቲባዋ የዜጎች ጉዳይ ቢሮ (MORCA) ጋር በመተባበር ተከታታይ የቢሮ ሰዓቶችን ክፍለ ጊዜዎች እንደምናስተናግድ ለማካፈል ጓጉቻለሁ። እነዚህ ስብሰባዎች ነዋሪዎች ከከተማው መሪዎች ጋር በቀጥታ የመገናኘት፣ ጥያቄዎችን የመጠየቅ እና ስለ መብቶቻቸው እና ለእነሱ ስላላቸው ሀብቶች የበለጠ የመማር እድል ይሰጣቸዋል። ተጨማሪ ዝርዝሮችን ከዚህ በታች ያግኙ።

ይህንን አዲስ ዓመት ስንጀምር  እያንዳንዳችን የጽናት፣ የርህራሄ እና የጋራ ኃላፊነት ትምህርቶችን ወደፊት እንድንቀጥል አበረታታለሁ። በጋራ፣ የሲቪል መብቶችን መጠበቅ እና እያንዳንዱ ሰው ሊበለጽግ የሚችልበት ዲስትሪክት መፍጠርን እንቀጥላለን። በቀጣይ ባላችሁ አጋርነትና ተሳትፎ 2026 ለሁሉም ውብ ከተማችን ነዋሪዎች ሌላ የእድገትና ትርጉም ያለው ውጤት የሚያስገኝ ዓመት እንደሚሆን እርግጠኛ ነኝ።

በአጋርነት፣

Elizabeth Fox-Solomon